مركز توثيق التراث الحضاري والطبيعي | كورسور - منصة تعليمية تثقيفية عربية

مركز توثيق التراث الحضاري والطبيعي

شارك:
في القرية الذكيه فيه مكان اسمه ( مركز توثيق التراث الحضاري والطبيعي ) ::

ده مركز تابع لمكتبة الإسكندرية بيعمل علي توثيق التراث المصري القديم كله تقريبا بما فيه التاريخ الاثري في ما قبل الميلاد والتاريخ الاسلامي والتاريخ القبطي يعني تاريخ مصر كله لغاية عام 2000 ... 🤮
بيضم برضو اعمال اشهر الفنانين المصريين ومنحوتات وبعض القطع المصنعه في المركز نفسه ..
لكن ده كله حاجات عاديه !! :D
المكان ده بيعرضلك كل اللي انا قلته ده باحدث اساليب التكنولوجيا اللي اتوصلوا ليها في العالم .. يعني شوية culturama , علي شوية نظارات VR 😎 , علي شوية صور بتشوف تفاصيلها عن طريق apps معينه علي الموبايل , علي شوية websites عليها كل المعلومات اللي انت ممكن تحتاجها عن مصر من قبل الميلاد لغاية دلوقتي علي شوية مجسمات بتوضحلك اشهر الاختراعات في التاريخ المصري القديم والاوسط والحديث , علي شوية منحوتات لبعض الاشخاص واللي باستخدام app معين بيجيبلك معلومات عنهم واغاني ليهم لما تسلط الكاميرا عليهم 😅 ..

اهم حاجه في ده كله هي culturama :: ودية عباره عن مجموعه كبيره من الشاشات متراصه جمب بعض بلطريقه اللي في الصور كده بتكون مع بعض شاشه واحده بزاوية 180 درجه .. يعني من كتفك اليمين للشمال .. ( مصنعه في مصر وعندنا براءة اختراع ليها يعني لو مش هاتشوفها هنا فمش هاتشوفها في اي مكان تاني 🤗) .. لكن مش بتعرضلك فيديو زي الشاشات العادية .. هي بتشتغل بطريقه تفاعليه تقدر عن طريقها انك تتصفح الفيديو وتستعرض اي نقطه عايز تاخد عنها معلومات في الفيلم اللي هاتتفرج عليه ...
باقي الحاجات اللي موجوده هناك مش هاعرف اشرحهالك ازاي الحقيقه فالافضل تروح تشوفها بنفسك ...
ملحوظه واحد :: انا استفدت هناك في ساعه تقريبا اكتر من حجم استفادتي من كل التاريخ اللي درسته اعدادي وثانوي وبطريقه ممتعه طبعا ..
ملحوظه اتنين :: المكان هناك مظلوم جدا في الدعاية للاسف .. وناس كتير ماتعرفش حاجه عنه فكل واحد يروح يبقي ياخد في ايده واحد صاحبه ويبلغ غيره ..
ملحوظه تلاته :: المكان دخوله بالمجان والزياره بالمجان وكل حاجه بالمجان تماما لكن لازم الحجز قبل الزياره بيومين علي الاقل من الموقع بتاعهم هتلاقي اللينك بتاعه تحت ..

2 comments: